Жаре и екипата на Еден на Еден на едрење

Во недела ќе ја гледаме последната епизода од Еден на Еден од Сезона 11, на Канал 5, од 18.30.

Жаре и екипата како круна на оваа сезона ја снимија Едрење-специјал, нивната авантура низ неколку грчки острови минатата година.

Едрејќи, Жаре ќе раскаже што им зготвил на екипата на бродот, многу интересни приказни за островите Скијатос, Скопелос и Алонисос, морнарски финти кои ги начуил од капетанот Јанис и уште неколку  детали што не сме ги знаеле за Спорадите. За крајот на емисијата и на сезоната, тој ѝ се заблагодари на верната публика на Еден на Еден.

„Да сте живи и здрави сите вие, кои нè поддржувавте и не гледавте цела оваа Сезона 11 на Еден на Еден. Овој специјал го снимивме некаде во октомври, минатата година, и го планиравме како едно изненадување и круна на оваа сезона. За жал, се случи целиот хаос со пандемијата од коронавирусот, и моравме да ги затвориме границите, да престанеме да патуваме надвор и да седиме дома, како би го заштитиле нашето и здравјето на нашите најблиски. Но, ништо не е вечно. Ситуацијата кога-тогаш ќе се врати како што беше. Ќе имаме време и за шетање, патување, сончање, а богами и за едрење. Во моментов, важно е да сме доследни на пропишаните мерки. Да внимаваме, да ги почитуваме правилата и да помогнеме сите заедно што побрзо да ја добиеме битката. Еден на Еден екипата после оваа епизода оди на пауза.

Ќе се видиме од есен, со сосема новата 12 Сезона, од најгледаното ток шоу кај нас, успех кој ви го должиме целосно вам, нашата верна публика со години. Многу ве сакаме, и ви посакуваме сè најдобро. Имајте пријатно лето, полно љубов, радост, и најважно од сè, многу, многу здравје“, е пораката на Жаре.

Венко Филипче: Станувам во четири наутро

Министерот Венко Филипче ќе му биде гостин на Жаре, во новата Еден на Еден, во недела од 18.30 на Канал 5. Филипче меѓу многуте лични и професионални приказни, раскажа за тоа како изгледа еден негов обичен ден. „Се будам околу 4-5 наутро. Така сум попродуктивен“, му рече тој на Жаре.

Министерот раскажа за своите прогнози и даде анализа за понатамошното справување со вирусот Ковид-19, кој спорт и кои филмови му се омилени, и за тоа и каква музика слушал во операциона сала.

„Јас сум бил во операциона сала на сите континенти освен во Австралија, и секаде зависи од договорот во тимот“, рече министерот. По овој одговор, Жаре се пошегува:

„Што ако сестрата сака да го слуша Аца Лукас? Песната „Бајпас“ е веројатно добра за операција“. Во продолжение, погледнете ја најавата за емисијата, и видеото од приказната со музиката која се слуша за време на операција:

Мигранти се шверцаат во душек

Да не постоеше видеово, немаше да поверуваме дека мигранти може да се прошверцуваат на овој начин. Секоја чест на автентичноста, душек, фолија, се како што треба за да мислиш дека се работи за обичен душек.