Девет дена не излегов од соба на одмор: Игор Џамбазов во Еден на Еден

Игор Џамбазов се враќа во новогодишната Еден на Еден со Жаре, во недела, од 18.30 на Канал 5. Омилениот актер и шоумен искрено раскажа како му поминала цела година, работно и приватно.

Џамбазов периодов поретко оди во Стојаково и во Слепче, но затоа Дојран е неговата нова база.

„Јас сум дојранчанец со привремена работа во Скопје“, му рече Игор на Жаре. Дојран му е омилен, но Џамбаз е еден од ретките кој речиси никогаш не оди на одмор во Грција.

„Пред многу години во „Супер Бинго“, едно семејство доби награда - летување со Игор Џамбазов во Грција. Се избањав првиот ден со нив, се сликав, потоа од соба не излегов девет дена“, е само една од приказните на Џамбазов.

Во дел од нив му асистираше и неговиот стар другар Гуру Харе. Игор и Гуру Харе бендот се добро позната музичка екипа, па ни оваа Еден на Еден нема да помине без нивните песни. Малку повеќе од она што нѐ очeкува во недела, погледнете во најавата:

Дејан Лилиќ во „Еден на Еден“: Одбив светска кариера поради МНТ

За филмот „Дедо и внук“, но и на многу други теми, со Жаре муабетеа актерите Дејан Лилиќ и Благој Веселинов. Лилиќ и Баже се гости во деветата епизода од 11 сезона на „Еден на Еден“, во недела, од 18.30 на Канал 5. 

Лилиќ откри колку било „забавно“ да ја отвори сезоната на капење во Охрид во април, каде што се снимал филмот, а Благој раскажа интересни приказни од Берлинале каде што ја доби наградата „Шутинг старс“. Дејан раскажа и за тоа дека одбил интернационални улоги кои можеле да му донесат светска кариера поради претставата „Мајсторот и Маргарита“ која во тоа време беше на репетоарот на МНТ.

„Ветувам, ќе те земам во театар да играш во некоја претстава со мене“, му рече Дејан Лилиќ на Жаре откако го потсети на неговото гостување од 2013 година, каде што му го даде тоа ветување. Жаре, Дејан и Благој изиграа и една интересна и провокативна игра: „Погоди го шишето“.

Во недела, на Канал 5 од 18.30 ќе ги гледаме и министерката за финансии Нина Ангеловска, заедно со директорката на УЈП Сања Лукеревска. Ангеловска и Лукаревска ќе читаат злобни твитови за апликацијата „Мој ДДВ“.  Емисијата ја развесели комичарот Маријан Ѓорѓиевски со мини стендап шоу. 

Најавата за емисијата ќе ви открие какво предновогодишно шоу нѐ очекува:

Лозано во „Еден на Еден“ откри дека го ограбиле

Расположен и опуштен како никогаш порано на ТВ гостување, Лозано дојде на снимањето на Еден на Еден со Жаре. Во недела, во 18.30 на Канал 5 ќе го гледаме нашиот најпопуларен пејач во едно поинакво издание.

Ексклузивно за Еден на Еден, Лозано раскажа и една непријатна случка, како го ограбиле додека бил на настап и без колку вредни работи останал. Малерот, Жаре успеа да му го разбие со еден магионичарски трик. Лозано уживаше и во интересен квиз што му го подготви екипата на Еден на Еден, а публиката во студиото најмногу во делот кога запеа.

Како музички гости, во оваа емисија ќе ги видиме и „Љубојна“ кои ќе го најават својот концерт и уште еден интересен гостин. Најавата ќе ви открие малку повеќе, а останатото ќе го дознаете во недела, на Канал 5 од 18.30.