Спремни ли се Македонците за грчките мерки ова лето!?

Летото ни е веќе на праг, а Грција најави дека ќе ги отвори границите за туристите од први јули и тоа под посебни услови. И бидејќи имаме искуство со чекање на грчка граница во минатото, а не сакаме да бидеме фатени во небрано кога ќе се отвори сезоната, Фчерашни новости направи прилог со еден грчки граничар, со цел одблиску да се запознаат граѓаните со мерките кои Грција планира да ги спроведе за нас.

За останатите кои планираат да останат во Македонија и да го посетат Охрид, Фчерашни направија прилог и со Климче, познат туристички оператор и повремено граничар од Охрид. Дознајте која е разликата во мерките помеѓу Грција и Македонија и сами одлучете каде на одмор ова лето.

Целата епизода ја имате веќе на јутјуб.
 

Како ќе се оди на одмор во Грција ова лето!?

Во недостиг на експерти по телевизија, Фчерашни новости најде експерт од Грција кој ќе го одговори најпоставуваното прашање меѓу граѓаните овој период, како ќе се оди на одмор во Грција ова лето, кои мерки треба да се почитуваат, кој прв ќе стави пешкир на плажа има право цел ден да седи, каков е пасвордот за вифи на кафичот и слично.

Во претпоследната епизода за оваа сезона, ќе џускаме на вонвременските хитови на „Карантин Бенд“ кој на големо се подготвува за турнеја од дома, ама повеќе детали за тоа ќе откриеме во некоја наредна прилика.

Ќе гледаме и еден спот на МВР, колку време се спремаше истиот, кој е одговорен за кореографијата, зошто на едната кола не и работи фарот, кој се учествуваше во спотот, а кој не и зошто така.

Погледнете ја најавата за претпоследната епизода за оваа сезона.