Првиот бакнеж ми беше со Бајага: Данијела Мартиновиќ во Еден на Еден

Во весело издание какво што од неа се очекува, Данијела Мартиновиќ ќе ја гледаме во Еден на Еден кај Жаре, во недела, на Канал 5 од 18.30.

„Сите ме знаат како весела и зборлеста, и поради тоа не ме сфаќаат сериозно“, му рече хрватската поп-ѕвезда на Жаре и затоа се обиде да се претстави во едно поинкаво светло. Зборуваше за нејзините две авторски книги, за скокот со падобран, за тоа колку била срамежлива како дете и темпераментна како тинејџерка, за својата сегашна љубов Петар Грашо, и за својата прва љубов.

„Се срамев да одам до трафика само затоа што продавачот беше маж“, откри Данијела и раскажа за својот прв бакнеж, и тоа со Бајага. Но, не вистинскиот Бајага.

„ Тогаш Бајага беше тотално ултра популарен. Имаше еден тип кој го викаа Бајага, беше ист Бајага, ама ист! Висок онака, згоден, убав. Јас ѝ велам на пријателката, ќе морам да си го фатам него! И јас си го фатив и се бакнав со Бајага“, му рече Данијела на Жаре.

За публиката во студио, таа испеа три нејзини песни во живо со Гуру Харе бенд, како генерална проба за скопскот концерт на 14 февруари. Во линкот подолу, погледнете една од приказните на Данијела:

Кој вирус ја нападна Македонија!?

Во Македонија за првпат регистриран вирус којшто се пренесува од компјутер на човек. И додека властите се фатени во небрано и не знаат како да се справат со истоимениот, Фчерашни новости дознаваат каде се се прошири вирусот и кој се е зафатен. Што препорачуваат докторите, а што судството како најзагрозен орган!?

Пред употреба на паника внимателно прочитајте го текстот бидејќи станува збор за најава на нова епизода на Фчерашни новости или консултирајте се со вашиот лекар или фармацевт.

За повеќе информации во новата епизода на Фчерашни новости, во недела 20 без 30 часот, на Канал 5 телевизија.