Василичарски џез концерт во Бистро Скопје на JB Quartet

JB Quartet“ на 12-ти и 13-ти Јануари ќе одржат два концерти во фантастичниот амбиент на новиот блуз и џез ресторан во центарот на Скопје, на местото на поранешната пекара Мекиците од Стража. Концертите се во организација на Бистро Скопје и Чув де Чув.

Извонредните шефови Жика и Рубин ќе подготвуваат специјалитети со плескавица од првокласно телешко месо, бри, капини... Специјалитети кои апсолутно мора да ги пробате. Гостите ќе имаат и можност да изберат врвни вина од богатата винска карта со промотивен попуст на вината на Тиквеш кои се поддржувачи на настанот.

А кои се JB Quartet? Предводени се од одличната џез вокалистка со големо искуство, Јасмина Беличанска. Членуваат и еден од најпознатите македонски музичари, басистот Оливер Јосифовски кој е основач на Љубојна и поранешен член на Фолтин, младиот пијанист Филип Димишковски и на ударни инструменти Бодин Попов од групата Beta House. На специјалниот Василичарски концерт ќе изведат маестрални кавери на Ејми Вајнхаус, Vaya Con Dios и слични артисти.

Како да присуствувате? За присуство ќе мора да побрзате и да резервирате неколку од малкуте преостанати места во Чув де чув на 078 52 05 52 или на chuvdechuv@gmail.com

Уживајте во прекрасната музика и храна во новото задолжително место за посета во Скопје – Бистро Скопје.

Предновогодишен концерт со европски шмек во Скопје!

Првиот вистински блуз и џез ресторан, Бистро Скопје нуди врвно искуство овој викенд! Во организација на Чув де чув и новиот ресторан во центарот на Скопје, ќе се случат два врвни концерти на „Trio Gentlemen“, оперските пејачи кои им даваат нов, уникатен дух на светските хитови и веќе им парираат на постоечките состави како што се ,,IL DIVO”, ,,IL VOLO“ и други.

Уникатно за овие концерти е тоа што во нив ќе може да уживате заедно со прекрасните гурмански специјалитети подготвени од Жика и Рубин, двајцата готвачи кои од неодамна го одбраа Бистро Скопје како последна нивна дестинација по повеќе врвни ресторани во нивната кариера.

Концертите ќе се одржат овој петок и сабота од 21 часот до 00.30 часот. За присуство ќе мора да побрзате и да резервирате неколку од малкуте преостанати места во Чув де чув на 078 52 05 52 или на chuvdechuv@gmail.com.

Бистро Скопје е ресторан кој се отвори на местото на пекарата Мекиците од Стража во центарот на Скопје и е последен од низата проекти на компанијата Мекиците од Стража, со цел да се подобри угостителското искуство во Македонија и истото да се крене на повисоко ниво.

Компанијата „Мекиците од Стража“ отвора нов ресторан во центар на Скопје

Бистро Скопје – така се вика новиот ресторан кој утре се отвора на местото каде што претходно се наоѓаше пекарата Мекиците од Стража во центарот на Скопје. Нешто сосема ново од компанијата со голема традиција, позната по локалите во Стража, Скопје и Гостивар.

Новиот ресторан на менито ќе нуди скара и морска храна зачинета со звуци на добро избрана блуз и џез музика. Исто така ќе може да се нарачаат и извонредните пици, паста и се разбира најдобриот бургер во градот.

За супер храната ќе бидат задолжени двајца од најдобрите шефови на кујни во Скопје кои неодамна потпишаа договор со компанијата. Жика и Рубин се двајца талентирани готвачи со огромно искуство во професијата. Со нетрпение ќе Ве очекуваат да Ви ги подготват новите специјалитети!

Како што веќе се знае за оваа компанија и овојпат бидете подготвени да видите нешто волшебно и превкусно!

Бистро Скопје ве очекува.

Ептен популар