Ново

Нова сезона на „Фчерашни Новости“ од 1 октомври

Со нови ликови и со нов термин во недела, 1 октомври, започнува со емитување новата сезона на „Фчерашни новости“. Третата сезона на сатирично-хумористичната емисија доаѓа во вистинскиот период – за време на кампањата за локалните избори. Од „Фчерашни“ ветуваат – не очекувајте ништо помалку!

Годинава, старите и добро познати ликови од тимот на Бранко Огњановски, добиваат засилување. Ќе се запознаеме со новиот дел на екипата, најдобрите кандидати од кастингот на кој се пријавија стотина актери и фанови на емисијата.

Сезоната 3 на „Фчерашни новости“ ќе се емитува секоја недела од 20 часот. Првата епизода гледајте ја оваа недела, 1 октомври, на „Телма“ телевизија.

Започнува „Еден на Еден“ сезона 9

Повеќе од 200 епизоди и околу 250 гостувања ја испишуваат историјата на најгледаното ток-шоу во земјата „Еден на Еден“, кое од недела ја стартува својата деветта сезона.

Жаре и тимот се враќаат на „Телма“ во нов термин – секоја недела во 20:30 часот.

Првата епизода од сезона 9 на „Еден на Еден“ започнува со времеплов на дел од најинтересните моменти кои се случиле во сите досегашни години од шоуто.

Од А2 и А1, преку МКЦ и Алфа, до доаѓањето на Телма. Ќе се потсетиме за времето кога Драган Вучиќ бркал девојки заедно со Здравко Чолиќ и што крие Кили во фонтаната пред Драмски. Кога Столе Стоилов пцуеше на хелиум и кога новогодишно во кафана се дружеа Жаре, Трендо и Џамбазов. Ова е само мало делче од екслузивните интервјуа, одличните гости и неверојатните приказни кои ја направија „Еден на Еден“ она што е денеска.

А како бонус, ќе го видиме и почетокот на Спасе, како најверен фан на емисијата!

Не заборавајте, нов термин на „Еден на еден“ – недела, 1 октомври, 20:30 часот на „Телма“!

Ептен популар